GONY NO WQS 2008
Polo seu amigo Jaji Iglesias Fuste.
Despois de afianzarse o pasado curso entre os cen mellores do tour e
sorprender en Hawai, Gony prepara en 2008 con claras
aspiracións ó máis alto, que non é outra cousa que se clasificar para o
tan ansiado WCT. Dende a Federación Galega de Surf queremos e vemos máis que oportuno facerlle un seguimento exhaustivo ó noso único representante no circuíto mundial.
Tras unhas merecidas festas de Nadal entre Vigo e o Algarve
portugués, volvía face-las maletas a principios de ano dirección Florida
con intención de comeza-lo novo ano entre os mellores.
A cita era a WQS 5 estrelas de Sebastián Inlet , no que se
xuntanós mellores norteamericanos como principal dificultade. Nesta ocasión e como de costume nesta zona, as ondas non pasaron de medio metro con fortes seccións ideais para realizar potentes e precisas manobras.
Unhas condicións nas cales se sentiu realmente cómodo, pois foi pasando roldas con autoridade por diante dalgún Top 44 como o sempre xemelgo e heroe local Damien Hobgood, chegando ata os cuartos de final onde caería contra o californiano Mike Losness por arriscar en excesivo ou dende outro punto de vista, por seguir fiel ó seu estilo de ofrecer espectáculo ó respectado publico.
Mais que importante este comezo pois o noveno posto obtido e os 1100 puntos poden ser unha inxección de moral para a primeira parte do exercicio.
A seguinte parada era a brasileira illa de Fernando de Noronha,
concretamente o Hang Loose 5 estrelas, onde a masiva afluencia
de locais e as súas rápidas orilleras dificultan a reacción en
competición. Empezaba ben conseguindo clasificarse comodamente cun par de tubos en rolda 96, deseguido enfrontaríase en rolda 48 ós seus compañeiros Jonathan González e Eneko Acero xunto ó australiano Matt Willkinson.
A manga pintaba ben pois foi dominada en todo momento polo tinerfeño e o vigués, pero a falta de segundos nun grande fallo de coordinación competitiva, Eneko e a súa extensa experiencia collían un tubazo backside saído da nada que invertería a situación, mandando a Gony a un terceiro posto o cal fora totalmente descoñecido por el durante toda a manga.
Isto acaba de empezar e o seu noveno posto actual no ranking mundial é
mais que alentador de momento Gony esta tranquilo e motivado
cargando pilas en algún que outra viaxe por centro Europa comigo para
desconectar, seguido de intensas semanas de duro adestramento co seu
preparador Sylvan Frei xunto Marlon Lipke en augas do sur de
Portugal.
Seguidamente dirixirémonos cara ó hemisferio sur, concretamente á súa
Arxentina natal xunto a un nutrido grupo de surfistas e un fotógrafo
para realizar unha controvertida reportaxe para unha importante revista.
Unha vez isto remate deixásenos destino Australia onde lle espera o WQS 6 estrelas prime de Margaret River, onde as fortes ondas do leste australiano porán a proba o seu estado de forma, a súa seguinte parada será Durban en Sudáfrica rematando o mes en Thurso, Escocia, cos seus xélidas augas e perfectas rompentes de reef.
Parece que nos espera un mes de abril do máis entretido e se todo vai
ben, Gony comezará a rolda europea con mais aspiracións que nunca.
Para seguilo en directo podedes velo en www.aspworldtour.com.
¡ ¡ ¡ Vano perder ¡!!!
